Депутат Юрий Кара-оол соңгукчуларындан быжыг «эки» демдек алган

Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Депутат Юрий Кара-оол соңгукчуларындан быжыг «эки» демдек алган
Фото: www.khural.org

Соңгукчулар мурнунга отчет кылыры ындыг-ла амыр эвес. Ынчалза-даа хүлээлге езугаар чон мурнунга отчет кылырындан чалданмас депутаттар база бар.

Оларның аразында – ТР-ниң Дээди Хуралының депутады Юрий Валерьевич Кара-оол.

Бо депутат Дээди Хуралда Эрге-чагырганың федералдыг органнары, тус чер бот-башкарылгазының органнары, хамааты ниитилелдиң институттары-биле кады ажылдажылга болгаш информастыг политика талазы-биле комитеттиң даргазы.

Юрий Кара-оол каш хонук бурунгаар Каа-Хем кожууннуң Сарыг-Сеп суурда Культура төвүнге соңгукчуларының мурнунга 2018 чылдың бирги чартык чылында кылып чоруткан ажылдарының отчедун берген. Депутаттың ажыл-чорудулгазын сонуургаан соңгукчулар, кожууннуң суур-сумуларының, ажылчы организацияларның удуртукчулар чыылган. Таңды кожууннуң чагыргазының даргазы Алик Кертик-оолович Монгуш база киришкен. Чүге дизе, Юрий Кара-оолдуң соңгулда округунче Таңдының Владимировка суур база кирип турар.

Отчеттуг хуралды Каа-Хем кожууннуң баштыңы – Төлээлекчилер Хуралының даргазы Олег Васильевич Коржевский биле чагырга даргазы Шолбан Алексеевич Сувакпут удуртуп эрттирген.

Депутат Ю.В. Кара-оол баштай комитете ажылын таныштыргаш, ооң соонда соңгулда округунга кылып чоруткан ажылдарынга доктааган. Чартык чыл иштинде комитет 6 республика хоойлузун хүлээп алган. Оларның аразында «ТР-ниң девискээринде географтыг объектилерге ат тыпсыр база адын эде адаар талазы-биле хоойлу-дүрүм таарыштырылгазында чамдык айтырыглар дугайында» деп хоойлу онзаланып турар. Чүге дизе, бо хоойлу республика девискээринде турар географтыг объектилерге, ооң иштинде суурларга, эрги адын эгидер азы чаа ат бээр эргени муниципалдыг тургузугларга берип турар. Юрий Валерьевич бо хоойлу езугаар удавас Улуг-Хем кожууннуң бир сумузунга ооң эрги шын ады – «Арыг-Бажын» катап эгидер деп дыңнаткан.

Арыг-Бажынга шын адын эгидер мурнунда ол суурнуң чурттакчылары-биле Дээди Хуралдың депутаттары Юрий Кара-оол, Эрес Хуурак болгаш Солаңгы Тамчай ийи катап хурал эрттиргеннер. Ол ажылга Улуг-Хем кожууннун удуртукчулары, тыва Чазактың сайыттары, Тываның орук чериниң удуртукчулары дээш, кымнарны киришпээн дээрил!

Юрий Кара-оол Ильинка суурда «Каа-Хем МУБ»-туң сүт-бараан фермазының шуудап чадаан ажылын сойгалап чугаалаан. Депутат Каа-Хем кожууннуң удуртулгазы-биле кады хөделип тургаш, ферманы кожуун өнчүзүнге арттырарын чедип алган. Ам кызып тургаш, ол бүдүрүлге чериниң ажылын экижидери арткан. Отчеттуг хурал үезинде ук ферманың берге айтырыгларын канчаар шиитпирлеп турарының талазы-биле дыңнадыгларны ТР-ниң көдээ ажыл-агый сайыды Эртине Сергеевич Даңзы-Белек, Таңды кожуундан удуртукчулар кылганнар.

Отчеттуг үе иштинде Юрий Кара-оол Бүрен-Аксы биле Белбей суурлар аразында орукту эдип, чаартыр программаны камгалап ап шыдаан. Кыдат «Лунсин» фирманың улуг автомашиналары кожууннуң чазаглыг оруун үреп турарын, ону септелге соонда канчаар камгалап алырының аргаларын өске-даа организациялар-биле демнежип тургаш тып турарын дыңнаткан.

Өг-бүле болгаш уруглар херектериниң талазы-биле Агентилел-биле «Отчизна» шериг-патриотчу кижизидилге лагеринге олуттарны Юрий Кара-оол чугаалажып ап шыдаан.

Сибирь федералдыг университеттиң шериг-инженер институдунче тыва курсантыларны хөйү-биле киирер ажылдарга улуг рольду ойнаан. Амгы үеде ук дээди өөредилге черинде Тывадан 100 ажыг кижи өөренип турар. Оларның аразында Каа-Хем кожуундан 3 курсант бар.

Юрий Кара-оол республиканың шериг-патриотчу хөй-ниити организацияларының «Хартыга» каттыжыышкынының удуртукчузу болгаш, хөй санныг кижизидикчи ажылдарның эгелекчизи болган. Республиканың «Дайынчы ха-дуңмалышкы чорук» хөй-ниити организациязы-биле кожууннарда школаларга чыл санында Эрес-маадырлыг чорук кичээлдерин, Афганистандан совет шериглерни үндүргениниң ээлчеглиг чылдарын чыл санында эрттирип турар.

Депутаттың эгелээшкини азы дорт киржилгези-биле республика чергелиг элээн каш культура-массалыг, спортчу хемчеглер эрткен. Ол дээрге, Каа-Хемге чаңчыл болган Орус культура хүннери, кожуунар аразынга солун концерттиг удур-дедир аалдажыышкыннар-дыр.

Юрий Валерьевич Каа-Хем кожууннуң аныяк-даа, улуг-даа спортчуларын доктаамал деткип чоруур. Шериг назыны чеде берген оолдар-биле улуг ажылды дайынчы эш-өөрү-биле доктаамал чорудуп турар. Ындыг ажылдарны Тываның ДОСААФ чери-биле (даргазы Дээди Хуралдың депутады Сергек Сандыкович Шактар) демнежип тургаш, Каа-Хем, Улуг-Хем болгаш Барыын-Хемчик кожууннар девискээрлеринге эрткилээн.

«Афганчылар» янзы-бүрү шериг-патриотчу ажылдарның, улуг чыскаалдарның киржикчилери. Чоокта чаа Совет Эвилелиниң Маадыры Чүргүй-оол Намгаевич Хомушкунуң 100 чыл оюнга тураскааткан каш хонуктуң патриотчу автомаңнаашкынны Барыын-Хемчиктиң Хөнделең суму-биле Тес-Хем кожууннуң Берт-Даг аразынга өске-даа депутат эш-өөрү – Тываның «Дайынчы ха-дуңмалышкы чорук» хөй-ниити организациязының кежигүннери-биле организастаан. Олар Барыын-Хемчик, Чөөн-Хемчик, Улуг-Хем, Чаа-Хөл, Чеди-Хөл, Таңды болгаш Тес-Хем кожууннарда улуг-биче суурларга баргаш, чүгле Чүргүй-оол маадырның дугайында эвес, а Совет Эвилелиниң Маадыры Тюлюш Кечил-оолдуң, Россия Федерациязының Камгалал сайыды Сергей Шойгунуң дугайында база дыка солун чүүлдерни чыылган чонга, аныяктарга чугаалап берип чорааннар.

Отчеттуг үеде депутат Юрий Кара-оол соңгулда округунче үнүүшкүннерни доктаамал организастап турган. Соңгукчуларның дилээ-биле хөй янзы ажылдар кылдынган, байырлал хүннеринде, ылаңгыя Чаа чыл, Шагаа, Март 8 байырлалдарынга чединмес азы хөй уругларлыг өг-бүлелерден чаш ажы-төлге хөй санныг чигирзиг белектерни тывыскан.

Соңгукчулар мурнунга отчеттуг хуралга Каа-Хем кожууннуң чагыргазының экономика, социал политика талазы-биле оралакчылары, иштики херектер салбырының начальниги, өөредилге, кадык камгалал эргелелдериниң удуртукчулары дээш, өскелер-даа санал-оналын берген.

Таңдының чагырга даргазы А.К. Монгуш кем-херек үүлгедиишкини-биле демисел болгаш чер-черлерге корум-чурум тудар талазы-биле кожуун девискээринде чоруттунуп турар хемчеглер дугайында дыңнадыгны кылган.

Кожууннуң соңгукчулары ТР-ниң Дээди Хуралының депутады Юрий Кара-оолдуң 2018 чылдың 1-ги чартык чылында кылып чоруткан ажылдарын дыңнааш, отчетка быжыг «4» демдекти салганнар.

Отчет кылдынган соонда, Кызылдың уран чүүл колледжиниң башкызы Томас Монгуштуң (баян), сургуулдар Нарын Монгуш биле Дамырак Сюрюннүң база Сарыг-Септе уран чүүл школазының башкызы Хензиг-оол Күжүгеттиң күжү-биле чараш тыва ырлардан, хөгжүмден тургустунган солун концерт болуп эрткен.

 
По теме
Рубрика «  Полезная информация» Про исполнительный лист   Исполнительный лист выдается судом взыскателю после вступления судебного акта в законную силу, за исключением случаев немедленного исполнения.
Сообщаем, что прием документов для участия в конкурсе на включение в кадровый резерв на должности начальника отдела обеспечения судопроизводства, начальника общего отдела, заместителя начальника общего отдела, секретаря суда,
Не позднее 1 апреля организациям необходимо представить годовую бухгалтерскую отчетность - УФНС Налогоплательщики обязаны представлять в налоговый орган по месту нахождения организации годовую бухгалтерскую (финансовую) отчетность не позднее трех месяцев после окончания отчетного года.
УФНС
Службой проведены выездные комиссионные мероприятия по обследованию регуляторов горячего водоснабжения в многоквартирных жилых домах г. Кызыла - Служба государственной жилищной инспекции Службой государственной жилищной инспекции и строительного надзора Республики Тыва в соответствии с Планом мероприятий деятельности Службы на 2024 год проведены выездные комиссионные мероприятия по обследованию регулятор
Служба государственной жилищной инспекции
С наступлением весны погода все теплее, растаявший днем снег, при очередном снижении температуры в ночное время, на поверхности земли образует тонкий слой льда.
Ресбольница №1
Новости - Росздравнадзор Счетчик обращений граждан и организаций Поступило 37822 на рассмотрении 6296 решено 31526 ВРАЧ ВРАЧ Мониторинг безопасности лекарственных препаратов Контроль качества лекарственных средств Мониторинг ассортим
Росздравнадзор
Сенатор РФ Дина Оюн рассказала о семейном конкурсе среди коренных и малочисленных народов - ИА Тува-Онлайн Организатором форума, который состоялся в Москве, выступили Федеральное агентство по делам национальностей и Дом народов России при поддержке Россотрудничества и Министерства иностранных дел Российской Федерации.
ИА Тува-Онлайн